您的位置首页百科问答

九斤姑娘歌词

九斤姑娘歌词

《九斤姑娘》全本唱词-----  请连接http://www.chinayueju.com:88/articleshow.jsp?id=1900  第一场  合:(唱)太阳出来三丈高,急匆匆来了石二佬  石 二:前世做孽,人家么有田有地怕无人接继,我呢有田有地有人接继,就是生子三 个伲子呆头呆脑不成大器。讨哉两房媳妇,一个叫找事出板,一个叫乱板东,,一日到夜叽叽喳喳相骂不停,肚才一点不灵,还想做当家人。哎,真弄得我头昏眼花,走投无路。现在啊,我听人家来东讲,五时门里有个张箍桶格阿囡叫张九斤,肚才也高,品貌也好,要是能做我第三房媳妇,格第我三百亩田地可以保牢哉  (唱)主意定脚步轻,一心去往五市门,要是碰到张箍桶 ,我先同伊谈谈生意经。到哉,哎,里面张师傅来东伐。哎,张师傅  九 斤: 哎  石 二: 哎,张师傅开门  九 斤: 外头啥人啊  石 二: 哎,是我  九 斤: 呀,牛么有根绳,马么有只铃,阿猪阿狗都有名,侬哪格没名字啊?  石 二: 哟,格便宜拨伊讨起哉,我格名字啦,要用算盘算格。  九 斤: 哦,格么我算算看。  石 二: 格么侬听懂  (唱)一斗半,二斗半,三斗五升四斗半,我是连名连姓在算盘,叫侬姑娘自  家算  九 斤: 哦,侬是石二店王是伐?  石 二: 哎,侬哪格会晓得格脚?  九 斤: 毛算算格呀。  石 二: 一定是九斤姑娘东哉。里面格姑娘,侬叫啥格名字?  九 斤: 我格名字也要算格。  石 二: 侬讲来我算算看。  九 斤: 格么侬听牢。  石 二: 哦。  九 斤:(唱)一斤半,二斤半,二十四两三斤半,我是连名连姓在称杆,十二店王侬自家算。  石 二: 哦,侬就是九斤姑娘。  九 斤: 石二店王侬来作啥?  石 二: 哎,我叫侬爷到拉屋里厢做生活去  九 斤: 格侬来不着哉,阿拉阿爹出去做跑厢生意去哉。  石 二: 格么侬爷回来,侬搭伊讲石二佬店王来过哉,叫伊到我石家屋里箍桶去,哦。  九 斤: 格么侬屋里来阿里?  石 二: 哦,我屋子里啊,格么侬听懂。  (唱)出了一座五时门,三眼龙门过一层,前面有点闹盈盈,后面有些冷清清,再过一座擂鼓门,门前有两个管门人,立呀立了黄泥墩,十七八把条帚倒头顶,胡须出在头当颈,身体好像排竹棍,日里勿要饭来吃,夜里勿要眠床困,就是我石家管门人  九 斤: 好,我晓得来。睁弯  石 二: 啊,侬晓得着?  九 斤: 哎。  石 二: 侬讲拨我听听看。  九 斤: 三眼龙门么就是一顶三眼石桥呀,前面闹盈盈就是读书格书房,冷清清么是祠 堂,擂鼓门么就是一座圆圆格圆洞门,门口两个管门人就是那门口有两株棕榈树是不是?  石 二: 啊哟,侬到我屋里来过呀?  九 斤: 来是没来过,毛猜猜格呀。  石 二: 啊哟,格姑娘,肚才倒是有些好,不知相貌好不好。哎,姑娘,格么我去哉,侬爷来叫伊早一点到我屋里来吃便中饭,噢。  九 斤: 哦,石二店王,搭我屋里来坐歇去,点心吃点去。  石 二: 哎,不吃。  九 斤: 点心不吃么茶也吃杯去。  石 二: 不吃,不吃,不要客气,不要客气  九 斤: 格侬点心不吃,茶也不吃,我不客气,不送侬拉噢!  石 二: 哈哈,格姑娘倒有些调皮搭,门不开叫我坐坐去,点心吃子去,不错,等张箍桶来呀,这桩亲事一定要谈伊成功。  第二场  箍 桶:(唱)碰着二个倒霉人,弄得我一点呒没生意经  阿囡--  九 斤: 哎,阿爹,侬回来啦!  箍 桶: 啊,回来哉。  九 斤: 生意好伐?  箍 桶: 哎,触霉头啦,阿里来格生意。  九 斤: 石二佬倒要侬箍桶去。  箍 桶: 不去,不去。  九 斤: 为啥不去啦?  箍 桶: 石二佬格人啊农忙格时候么田坂走走来,田坂撸撸,空闲格时候坐点坐坐胡须撸撸,闲话蛮多,生活难做,吃锄头蛮多啦,伊讲来闲话听不饥氏懂啦,不去。  九 斤: 阿爹,伊吃锄头来侬听不懂么,阿囡教侬好来。  箍 桶: 那,阿囡是阿爹生格呀,只有阿爹教阿囡哪有阿囡教阿爹?  九 斤: 那,人家来了讲,只有状元格学生,呒么状元格先生呀。  箍烂早散 桶: 侬格闲话倒是对格,格么伊格闲话我听不懂来我回去来问我阿囡去格摊台伐?  九 斤: 阿爹,讲好了哟,侬把要紧家生长推刨摆了屋里,伊要是吃锄头来呀,侬就讲我去拿长推刨去,格么阿囡好教侬来。  箍 桶: 哎一个法子倒好格呀,格阿囡,长推刨搭我拿出来,阿囡,阿爹吃现成饭哉。  九 斤: 阿爹,格么侬生活做好么早点回来,哦。  第三场  箍 桶: 石二店王,石二店王来不来当  石 二: 哎,来当来当,张师傅来哉,快请进,请进,请进,啊格张师傅,请来高中  箍 桶: 哎  石 二: 哎,张师傅,你中十千有呒有得造啃过  箍 桶: 石二店王,我中十千呒有着啃过  石 二: 好板格,好格,哎里石郎面大人成东对东,今朝张师傅来啦,庙千斩高点,水下有两个锅板,圆前磨三鱼儿,天堂地钻参钻笆拨皮哇,来下泥留手抢,呱啦啦啦赶出来  箍 桶: 石二店王,侬叫我来箍桶格呀,哦  石 二: 是格,是格  箍 桶: 格么该当新格桶来箍,旧格桶来揪,长格桶来截,短格桶来补  石 二: 嘿嘿……  箍 桶: 格石二店王,侬要箍啥格桶啦  石 二: 我箍老弯桶  箍 桶: 啊哟,石二店王,我弯来弯去格桶不会箍格啦  石 二: 那名字叫老弯桶啦  箍 桶: 哦,名字叫老弯桶,格么侬讲来我听东  石 二: 格侬听懂哦  (唱)我天亮要箍天亮桶,晏昼要箍午时桶,日落西山黄昏桶,半夜三更要紧桶,我要箍有盖无底桶,要箍有底无盖桶,还要箍只直笼桶,两只耳朵翘耸耸,外加一对恩恩爱爱夫妻桶,还要箍只奇怪桶,一根尾巴通天空,一根横档上当中,上头一记松,下头扑龙冬,拎拎起来满桶桶,我问侬张师傅懂不啦懂  箍桶; (唱)只听伊讲桶桶桶,弄得我一点也勿懂石二店王,我箍格去来哦,哦,石二店王,不对哉  石 二: 作啥  箍 桶: 要紧家生忘记哉  石 二: 啥格东西  箍 桶: 长推刨啦  石 二: 格我叫伊人家去拿拿来  箍 桶: 我自家去拿去  石 二: 张师傅侬作啥  箍 桶: 我桶担挑子去  石 二: 桶担放拉,你去去马上就来  箍 桶: 我身不离伙,伙不离身  石 二: 我会拨侬看牢伊  箍 桶: 哦,桶担里快口多,小人来要割出血格  石 二: 那,我拨侬高高挂起  箍 桶: 格触霉头伐,高高挂起,格我生意呒搞好做  石 二: 放心张师傅  箍 桶: 啊哟对不住,对不住  石 二: 桶担里东西一样不会少  箍 桶: 对不住啦  石 二: 快点来噢  箍 桶:(唱)还说叫我吃便中饭,掼掉一付箍桶担  石 二:(唱)张师傅桶名弄不懂,回家去叫伊阿囡做帮工,我九九归一为亲事,石二佬存心要认侬做亲家公  第四场  箍 桶:(唱)小娘嘴巴真反烂,快一点一只碗一只篮,快到乡下去讨饭  九 斤: 为啥要讨饭了?  箍 桶: 桶担没了。  九 斤: 桶担拨大水腾起了?  箍 桶: 大水腾去,格我人也会不腾起呀  九 斤: 格阿里去啦?  箍 桶: 被石家压落嘞。  九 斤: 石家为啥要压嘞桶担拉?  箍 桶: 那,我自话石家不要去不要去,侬一定要我去,石家门口不曾跑进么,就对脑扑立啦一斧头劈下来  九 斤: 啊哟阿爹哎!  箍 桶: 小娘,阿里是真格斧头劈来要劈死人格,伊格闲话讲来好比斧头劈来  九 斤: 伊讲啥个闲话呢?  箍 桶: 哦,张师傅来哉,请来高中  九 斤: 哎哟阿爹,格么是句客气闲话,伊请侬坐。  箍 桶: 我是坐下来哉,伊还问我哉,哦,张师傅,你中十千有没有得着啃过  九 斤: 中十千是中饭呀,侬想十千是不是一万啦,就是问侬中饭有得吃过?  箍 桶: 哦格是花样精还有来,格么我问哉,石二店王,侬叫我来箍桶呀,格么该当要箍啥个桶呢,我要箍老弯桶  九 斤: 阿爹哎,老弯桶么就是九只桶呀,你想一个九字是不是弯格,格么就叫老弯桶 呀。  箍 桶: 啊呀,就是九只桶啊,格阿囡,桶名侬真不晓得来  九 斤: 阿爹侬讲来我听听看。  箍 桶: 那侬听懂  (唱)天亮要箍天亮桶  九 斤:(唱)清早起来格洗面桶  箍 桶: 是面桶啊  九 斤: 嗯  箍 桶:(唱)还有晏昼午时桶  九 斤:(唱)阿爹侬只老饭桶  箍 桶:(唱)日落西山黄昏桶  九 斤:(唱)长工短工都要用,田板回来洗脚桶  箍 桶:(唱)半夜三更要紧桶  九 斤:(唱)阿囡格房间也有东  箍 桶: 阿囡是只马桶么  九 斤: 是马桶呀  箍 桶: 还有来  (唱)要箍有盖无底桶,要箍有底无盖桶  九 斤:(唱)有盖无底是锅盖,有底无盖是豆腐桶  箍 桶:(唱)还要箍只直笼桶,两只耳翘耸耸  九 斤:(唱)过年过节都要用格只名字叫蒸桶  箍 桶:(唱)要箍一对恩恩爱爱夫妻桶  九 斤:(唱)这对就是挑水桶  箍 桶: 独头挑倒是挑不来格,阿囡  (唱)还要箍只奇怪桶,一根尾巴通天空,一根横档上当中,上头一记松,下头扑弄通,拎拎起来满桶桶,问侬阿囡叫啥个桶  九 斤: 阿爹哎,这只么就是吊水格吊桶  箍 桶: 啊哟连根尾巴都没了  九 斤: 一根尾巴么就是一根绳子呀,吊桶呒没绳子么哪能吊吊呢?!  箍 桶: 啊哟格娘生个鸡毛生活,我从小会做格呀  九 斤: 阿爹侬是会做呀  箍 桶: 格好,阿囡,长推刨搭我拿出来哦,格石二佬是难开啦,这样生活我不会做呀 啊,阿囡,石二佬人难弄不过,我还是做包生活好,让我饭吃得起  九 斤: 阿爹哎,阿囡当侬是吃现成饭去嘞,格么格能好来,阿囡烧好之搭侬拿得来  箍 桶: 好格  九 斤: 阿爹,那侬去啊,牙床好硬点来,喉咙好响点  箍 桶: 响点  九 斤: 伊问侬桶名么侬回答拨伊听  箍 桶: 回答拨伊听  九 斤: 伊要问侬桶名是不是侬阿囡教侬格  箍 桶: 格哪话呢  九 斤: 格侬讲侬是不侬伲子生格  箍 桶: 好,格对格,格阿囡我去哉  九 斤:(唱)石二佬侬勿要欺我阿爹老实头,我九斤搭侬做对手,做对手  第五场  箍 桶: 石二店王,箍桶来喽  石 二: 张师傅,你回去得一大,你看,精神抖擞,喉咙咣响  箍 桶: 我格大个人喉咙会不响  石 二: 好哉好哉,算我争侬不过,张师傅,来来来,伢坐下来,箍桶,哎张师傅,我箍几只桶  箍 桶: 九只  石 二: 天亮桶  箍 桶: 面桶  石 二: 晏昼午时桶  箍 桶: 侬只饭桶  石 二: 日落西山黄昏桶  箍 桶: 汰脚脚桶  石 二: 半夜要紧桶  箍 桶: 马桶  石 二: 好哉,张师傅啊,侬格个桶名是不是侬阿囡告诉侬格  箍 桶: 石二店王,侬是侬伲子生格  石 二: 我哪会伢伲子生格  箍 桶: 格我哪能会阿囡教格呢  石 二: 格好格,张师傅啊,我格个九只桶不箍哉,我另外要箍一只桶  箍 桶: 要箍啥个桶  石 二:(唱)我要箍只外国金边桶,无盖无底两头空,团团圈圈是小洞,一个皇帝坐当中。嘿,张师傅哎,你老实告诉我格个桶名是不是侬阿囡同侬讲格,讲出来我不要侬箍  箍 桶: 不讲出来呢  石 二: 讲不出来要侬箍  石 二: 是侬阿囡告诉侬格,好格,好格。张师傅,来,伢桶不箍哉,坐下来,坐下来,请,坐下来。张师傅,我听人家来东话,侬格九斤姑娘格女儿啊,生得十分聪明,我呢有个三子石宝宝还呒没私亲,我想侬格九斤姑娘许拨我做第三房媳妇,侬看好不好  箍 桶: 哎哟石二店王,侬是有铜钿人家,伢是穷人家,就是连羹罩也嫁不起啦  石 二: 千讲万讲,我只要侬阿囡轿奁一到,嫁妆不要,嫁妆不要,侬等一等啊  箍 桶: 格三子石宝宝么,是个呆子,格伢阿囡哪会肯啊  石 二: 张师傅,这搭一百两银子收东  箍 桶: 哦,我生活也呒没做过来  石 二: 格是拨侬阿囡格财礼银子格  箍 桶: 哦,阿囡不卖格,阿囡不卖格  石 二: 张师傅  (唱)常言道男大当婚女当嫁,侬阿囡总要配人家,我石二佬有田有地有名 声,拨我做媳妇勿会亏待好,我拨伊半当媳妇半当囡,不久就可以做当家,要是侬嫁掉阿囡怕冷清,侬可以一月来几大,财礼银子一百两,拨侬开店过日脚,张师傅啊,我一切打算都为侬,错过机会侬寻不着  箍 桶: 石二店王,我倒答应侬哉,伢阿囡当不肯,我老头子侬倒不要,就是要配亲眷么,我也要回去问问阿囡去格  石 二: 格搭也对格,张师傅,你先拨我做两付船舢搭子,箍两对水桶  第六场  九 斤:(唱)太阳偏西午时过,阿爹一定腹中饿,门口二株棕榈树,想必这里是石家,石二店 王连声叫……石二店王--  石 二: 哎,来哉,来哉,哦,是九斤姑娘  九 斤: 石二店王,  石 二:(唱)请到屋里来坐坐  九 斤: 石二店王,我不坐来,我搭拉阿爹送饭来格  石 二: 拨侬阿爹送饭格,侬阿爹真好福气,有侬介格阿囡真是前世修来格  九 斤: 石二店王,我阿爹来了阿里  石 二: 我领侬去,我领侬去哦  三 快: 不要侬格面孔  四 快: 不要侬格面孔,查不来啦,查不来啦  三 快: 嫁到屋里来,饭也比侬多吃点来啦,老实告诉侬,阿公阿婆看啦我大房面上么也要让我三分来,我想骂骂不来了  四 快: 我叫张师傅箍了只脚桶为啥 一定要拨侬媳妇,当家人还没当,当家人格面孔倒摆出来了,不要侬格面孔  三 快: 不要侬格面孔  石 二: 九斤姑娘,我不送哉,侬自家去。格两个太娘娘,格两个太娘娘哎  三 快: 阿公啊,阿公啊,石家格大房媳妇啦是难做,那,屋里厢里里外外格事情都要做,好声领不着,骂声常常听,不管么人家伊啦话大房媳妇不会做从,管管么人家又不肯听,阿公哎,我不晓得搭侬讲过多少遍啦,阿婆有手病格,石家屋里啦迟早要个当家人啦,我看侬还是早点决定,早点决定  四 快: 哎哟,阿公哎,当家人不好拨伊当格  石 二: 好,决定,决定,两个人,一个人拨我做一桩事情,做成功就啥人做当家人  三 快: 好格  石 二: 好,跟我来  第七场  箍 桶: 啊哟阿囡,格伊拉轿子就要来抬格  九 斤: 阿爹,要去么侬去,我不去格,我不去格拉,不去格  箍 桶: 阿囡,阿爹是骗骗侬格啦  九 斤: 格侬哪能搭伊话话呢  箍 桶: 阿囡格亲事么由伢阿囡自家格脚  九 斤: 伊要是再问侬,侬一定要回头伊格  箍 桶: 我晓得哉  三 快: 九斤姑娘,啊哟,九斤姑娘哎  (唱)苍蒲花儿难得开,九斤姑娘难得来难得来,啥个风把侬吹过来,快到我房里坐一会  九 斤:(唱)我拨阿爹送饭来,屋里事还有一大堆,下趟有空我再来,今朝勿能来奉陪。  三 快: 九斤姑娘,那好吧,这块坐坐,这块坐坐  九 斤: 不坐来  三 快: 九斤姑娘  (唱)常听阿公提起你,说你聪明又伶俐,人好手巧肚才好,还肯帮人解难题。  九 斤:(唱)我同伊一向不来去,为啥今朝介客气  三 快:(唱)我为之一个当家人,勿晓得受了多少气,今朝阿公出难题,拿出杜布一丈二,要做钱褡带手巾,还要做一件长衫一条被,做得来是我当家,为此特来请教你,姑娘向来办法多,我想你一定有好主意,只要我做着当家人,我谢侬二件绸缎衣  九 斤: 东西么不要格,办法么我搭侬想想看  三 快: 好格好格  九 斤: 一丈二尺布,对,格侬搭伊做件长衫好嘞  三 快: 还有三样东西呢  九 斤:(唱)可以日当衣衫夜当被,钱褡来了袖管里,两个袖子打个结,拨侬阿公藏东西,手巾来了小襟里,拿拿起来好揩眼泪,要是侬剪刀口里裁得准,还好多一双鞋夹里。  三 快: 啊哟,九斤姑娘,哪个拨侬想得出来了,侬真聪明,要是我做着当家人,我会 重重交格谢谢侬。  箍 桶: 格死猫死狗一样生死  四 快:(唱)要命要命真要命,烧得四快汗一身,锅焦烧起二三寸,鸳鸯饭还是烧不成。  啊哟九斤姑娘哎,我有桩事体要请侬帮帮忙来  九 斤: 侬有啥要我帮忙  四 快: 为之做个当家人啊  (唱)阿公叫我烧锅饭,勿象粥来勿象饭,半边燥半边烂,名堂就叫鸳鸯饭,我烧子半日烧勿起,请侬姑娘来解解难  九 斤:(唱)石二佬为人果然奸,存心把他媳妇难,自从盘古分天地,世上哪有鸳鸯饭,伊叫侬烧鸳鸯饭,侬也好出个主意将他难  四 快: 出个啥主意来  九 斤:(唱)侬就说我清水白米刚落锅,一只锅圈就爆破,呒没锅盖烧勿成,侬要做锅盖要支竹  四 快: 要支啥个竹  九 斤:(唱)侬要一支勿象树来勿象竹,半支红来半支绿,半边厚来半边薄,名字就叫鸳鸯竹,鸳鸯竹  四 快: 鸳鸯竹是拿不出来格  九 斤: 格么侬讲我鸳鸯饭也烧不起来格  四 快: 哎,对格对格,九斤姑娘,谢谢侬,我搭阿公去话去,去话去  九 斤:(唱)石二佬侬要谢谢我九斤,我拨侬挑之二个当家人。